"Əminəm ki, bugünkü Azərbaycan gəncləri doğma
Vətənimizin dəyərli vətəndaşları olacaq, öz
professionallığını nümayiş edə biləcək
və ölkənin inkişafında öz sözlərini deyəcəklər"

İlham Əliyev,
Azərbaycan Respublikasının Prezidenti

 
 

Bakıda kompyuter oyunları üzrə 6-cı Dünya Çempionatı keçiriləcək

Azərbaycan Respublikasının Prezidenti cənab İlham Əliyevin 2 sentyabr 2014-cü il tarixli Sərəncamına müavafiq olaraq, 12-16 noyabr 2014-cü il tarixlərdə Bakı şəhərində Kompüter oyunları üzrə 6-cı Dünya Çempionatı (The 6th e-Sport World Championship) keçiriləcək.

Çempionat Azərbaycan Respublikasının Gənclər və İdman Nazirliyi tərəfindən Beynəlxalq Kiber İdman Federasiyası (The International e-Sports Federation) və Azərbaycan Kiber İdman Federasiyası ilə birgə həyata keçirilir. Çempionatın açılışı və oyunlar üzrə yarışlar Bakı Kristal Zalında (Baku Crystall Hall) 13 noyabr 2014-cü il tarixdə saat 17.30-da baş tutacaq.

Qeyd edək ki, Kompüter oyunları üzrə Dünya Çempionatları 2009-cu ildən etibarən özündə 48 üzv ölkəni birləşdirən Beynəlxalq Kiber İdman Federasiyasının (IeSF) təşəbbüsü ilə keçirilir. Bakıda baş tutacaq Kompüter oyunları üzrə 6-cı Dünya Çempionatında dünyanın 33 ölkəsini təmsil edən 250 nəfərdən artıq nümayəndə iştirak edəcək. Yarışın ümumi mükafat fondu isə 90 000 manat təşkil edir ki, bu da öz növbəsində Kompüter Oyunları üzrə Dünya Çempionatların keçirilmə tarixində ən böyük mükafat fondudur.

Yarışın bağlanış mərasimi 16 noyabr 2014-cü il tarixdə 17.00-da”Kristaı zal” da gerçəkləşəcək.