"Əminəm ki, bugünkü Azərbaycan gəncləri doğma
Vətənimizin dəyərli vətəndaşları olacaq, öz
professionallığını nümayiş edə biləcək
və ölkənin inkişafında öz sözlərini deyəcəklər"

İlham Əliyev,
Azərbaycan Respublikasının Prezidenti

 
 

Nazir Azad Rəhimov Mingəçevirdə vətəndaşları qəbul edib

29 avqust 2014-cü il tarixdə Gənclər və idman naziri Azad Rəhimov Mingəçevir şəhəri Heydər Əliyev Mərkəzində vətəndaşları qəbul edib.

Qəbulda Mingəçevir şəhəri ilə yanaşı, Ağdaş, Bərdə, Tərtər, Göyçay, Kürdəmir, Ucar, Zərdab,Yevlax və Ağsu rayonlarından olan 40-a yaxın vətəndaş iştirak edib.

Müraciətlər gənclər, idman sahələri, Olimpiya İdman Komplekslərinin tikintisi, ipoteka kreditlərin verilməsi və şəxsi məsələlərlə bağlı olub.

Gənclər sahəsi üzrə edilən 10-a yaxın müraciətin əsas istiqaməti Qeyri Hökumət Gənclər Təşkilatlarının yaradılması, layihələrin maliyyələşdirilməsi, gənclərin beynəlxalq layihələrdə iştirakı, yay istirahət düşərgələrinin təşkili olub.

15-dən artıq müraciət idman sahəsində fəxri adların verilməsi, idman mərkəzlərinin idman avadanlıqları ilə təmin olunması, Olimpiya İdman Komplesklərinin, idman qurğularının tikintisi və təmiri istiqamətində olub.

Digər müraciətlər ipoteka kreditlərinin verilməsi, iş ilə təminat və şəxsi məsələlərlə bağlı bağlı olub.

Bir sıra müraciətlər yerindəcə həllini tapıb. Araşdırılması tələb edilən məsələlər isə aidiyyatı qurumlara göndərilməsi üçün nəzarətə götürülüb.


Flickr Image
Flickr Image
Flickr Image
Flickr Image