"Əminəm ki, bugünkü Azərbaycan gəncləri doğma
Vətənimizin dəyərli vətəndaşları olacaq, öz
professionallığını nümayiş edə biləcək
və ölkənin inkişafında öz sözlərini deyəcəklər"

İlham Əliyev,
Azərbaycan Respublikasının Prezidenti

 
 

Azərbaycan Beynəlxalq Tərcüməçilər Federasiyasının İcraçı Şurasının illik toplantısında təmsil olunmuşdur

21-23 mart 2014-cü il tarixlərində Cənubi Afrika Respublikasının Yohannesburq şəhərində Beynəlxalq Tərcüməçilər Federasiyasının (BTF) İcraçı Şurasının illik toplantısı keçirilmişdir. Azərbaycan Respublikası Gənclər və İdman Nazirliyi və Azərbaycan Gənclər Fondunun dəstəyilə Azərbaycan Gənc Tərcüməçilər Assosiasiyasının sədri İsmayıl Cəbrayılov və təşkilatın beynəlxalq əlaqələr üzrə koordinatoru Tərlan Arzumanov tədbirdə Azərbaycan Gənc Tərcüməçilər Assosiasiyasının nümayəndələri kimi iştirak etmişlər. Qeyd edək ki, AGTA 30 oktyabr 2012-ci ildən bu beynəlxalq təşkilatın müşahidəçi üzvüdür.

3 günlük tədbirin ilk günü BTF-in 2013-cü il ərzində gördüyü işlərə, o cümlədən cari il ərzində həyata keçiriləcək tədbirlərin müzakirəsinə, növbəti günü isə 4-6 avqust 2014-cü il tarixlərində Almaniyanın Berlin şəhərində keçiriləcək BTF-in XX Ümumdünya Konqresinə hazırlıqlara həsr olundu. Tədbirin son günündə BTF-ə müşahidəçi və daimi üzvlük üçün müraciət edən təşkilatların müraciətlərinə baxıldı. Qeyd edək ki, cari ilin fevral ayında isə AGTA Beynəlxalq Tərcüməçilər Federasiyasına vaxtından əvvəl daimi üzvlük üçün müraciət etmişdir. Üzvlüyə müraciətlərlə bağlı yekun qərar XX Ümumdünya Konqresində daimi üzvlər arasında keçirilən səsvermə ilə müəyyən ediləcəkdir.

Tədbir çərçivəsində AGTA nümayəndələri BTF rəsmiləri, o cümlədən BTF üzvləri olan tərcümə təşkilatları ilə görüşlər keçirmişdir. Keçirilən gorüşlərdə AGTA-nın təşkilata daimi üzvlüyü məsələsi, təşkilatlar arasında təcrübə mübadiləsi barədə müzakirələr aparılmış, gorüş iştirakçıları AGTA-nın fəaliyyəti və Azərbaycanla bağlı ətraflı məlumat əldə etmişlər. AGTA-nın sədri İsmayıl Cəbrayılovun bildirdiyinə gorə, BTF rəsmiləri və üzvləri AGTA-nın müşahidəçi üzv olmasına baxmayaraq, kifayət qədər fəallığı ilə seçildiyini bildirir: "Ötən il olduğu kimi, fəaliyyətimizin 2-ci ilində də fəallığımızı qoruyub saxlamağımız demək olar ki, bütün gorüşlərimizdə təqdir edildi. Məhz buna gorə də, BTF-ə daimi üzvlük üçün vaxtından əvvəl müraciətimiz İcraçı Şuranın iclasında da müsbət qarşılandı. Adətən daimi üzvlük üçün müraciət 3 illik müşahidəçi üzvlükdən sonra göndərilir. İnanırıq ki, Ümumdünya Konqresində müraciətimiz qəbul ediləcək və Azərbaycan regionda BTF-in daimi üzvü olan ilk ölkə olacaq."

AGTA-nın beynəlxalq əlaqələr üzvə koordinatoru Tərlan Arzumanov AGTA-nın BTF-in İcraçı Şurasının növbəti illik toplantısının Azərbaycanda keçirilməsi üçün müraciət etdiyini bildirmişdir. "Şura üzvləri müraciətimizi müsbət qarşıladı. Yekun qərar isə Ümumdünya Konqresində veriləcək. Ola bilər ki, Konqresdə seçiləcək yeni Şuranın iclantısı konqresdən qısa bir müddət sonra keçirilsin. İnanırıq ki, bu toplantı Bakı şəhərində keçiriləcək".

Flickr Image
Flickr Image
Flickr Image
Flickr Image